چوونەژوور | ناونووسین
بانس ڕەیت (Bounce Rate) لە ماڵپەڕدا گرنگییەکی زۆری هەیە. لە ڕاستیدا ئەم پێوەرەیە دیاری دەکات بەکارهێنەران تا چەند تەعامول لەگەڵ ناوەرۆکەکەت دەکەن و بە گشتی چ ئەزموونێکیان هەیە لە هاتنە ناو ماڵپەڕەکەت. ڕێژەی پاشەکشە لە سێئۆی ماڵپەڕدا کاریگەری هەیە و پشتگوێ ناخرێت. ئێمە لەم وتارەدا دەمانەوێت بە تەواوی چەمکی بانس ڕەیتت پێ بناسێنین. تا کۆتایی لەگەڵمان بە.
ڕێژەی پاشەکشە پێوەرێکە کە ژمارەی ئەو سەردانیکەرانە دەپێوێت کە تەنها یەک لاپەڕەی ماڵپەڕەکە دەبینن و پێش بەجێهێشتنی ماڵپەڕەکە، هیچ کارێک ناکەن. بە واتایەکی تر، بانس ڕەیت ژمارەی ئەو بەکارهێنەرانە دەژمێرێت کە بەبێ هیچ کاردانەوەیەک لاپەڕەی ماڵپەڕەکەت بەجێدەهێڵن. لە ڕاستیدا ئەم بەکارهێنەرانە ئەو کەسانەن کە بۆ نموونە: هیچ شتێک ناکڕن، فۆرمێک پڕ ناکەنەوە و کلیک لەسەر هیچ لینکێک ناکەن.
ئەگەر لە بواری مارکێتینگ (Marketing) کار دەکەیت یان بە گشتی خاوەن بزنسێکی ئۆنڵاینیت، باشترە زانیاری تەواوت دەربارەی بانس ڕەیت هەبێت؛ چونکە ئەم بابەتە کاریگەری لەسەر ستراتیژی دیجیتاڵ مارکێتینگ دەبێت. بۆ نموونە، بانس ڕەیتێکی خراپ ڕەنگە سەرچاوەکەی بۆ کێشە تەکنیکییەکانی سێئۆ بگەڕێتەوە، وەک: کەمبوونەوەی خێرایی باربوونی (Loading) لاپەڕەکە.
ئێمە لەم وتارەدا دەمانەوێت بڵێین چ فاکتەرێک دەبێتە هۆی باشترکردنی بانس ڕەیت و ڕێگاکانی کەمکردنەوەی پاشەکشەی کڕیارت پێ دەناسێنین. گرنگیدان ئەم پێوەرانە لە باشترکردنی ڕیزبەندی گەڕان دەتوانێت کاریگەرییەکی زۆری هەبێت. کەواتە ئەگەر دەتەوێت گۆڕانکاری ئەرێنی لە بزنسەکەتدا بکەیت، تا کۆتایی ئەم وتارە لەگەڵمان بمێنەرەوە.
بۆ ئەوەی باشتر لە مانای “باشی” بانس ڕەیت تێبگەیت، باشترە سەرەتا بزانیت جیاوازی نێوان ڕێژەی پاشەکشەی زۆر و کەم چییە. بانس ڕەیتێکی بەرز واتە ماوەی گشتی مانەوەی سەردانیکەران لە لاپەڕەکانی ماڵپەڕەکەدا کەمە؛ لەم حاڵەتەدا بەکارهێنەران تەنها ماڵپەڕەکە دەبینن و بە خێرایی لێی دەچنە دەرەوە. لە لایەکی ترەوە، ڕێژەی پاشەکشەی نزم (کەم) واتە سەردانیکەران کاتێکی زیاتر لە لاپەڕەکانتدا بەسەر دەبەن و کلیک لەسەر لینکە جیاوازەکان دەکەن.
جێگەی ئاماژەیە کە بەرزبوونی بانس ڕەیت هەمیشە وەک خاڵێکی خراپ هەژمار ناکرێت. لە ڕاستیدا باشی یان خراپی ئەم پێوەرە بەپێی ئەو ماڵپەڕەی هەڵسەنگاندنی بۆ دەکەین گۆڕانی بە سەردا دێت.
ئەگەر سەرکەوتنی ماڵپەڕەکەت بەندە بەوەی بەکارهێنەران چەند لاپەڕە دەبینن، ئەوا بەڵێ، بەرزبوونی ڕێژەی پاشەکشە بۆ تۆ خراپە. بەڵام ئەگەر ماڵپەڕێکی جێگیر (Static) و یەک لاپەڕەییت هەبێت، بانس ڕەیتێکی بەرز بۆ تۆ بە تەواوی ئاسایی دادەنرێت.
پێکهاتەی ماڵپەڕەکەش لەم پێوەرەدا گرنگە. بۆ نموونە ماڵپەڕێکی فرۆشتن (E-commerce) لەبەرچاو بگرین. لەم جۆرە ماڵپەڕانەدا ئەگەری هەیە لاپەڕەی سەرەکی (Home Page) بەرزترین بانس ڕەیتی هەبێت لە نێوان هەموو لاپەڕەکاندا. بەڵام ئەوەی بۆ تۆ گرنگە ئەوەیە کە سەردانیکەران لە لاندینگ پەیج (Landing Page)دا بمێننەوە؛ شوێنێکی وەک لاپەڕەی بەرهەمەکان کە ئەگەری کڕین زیاد دەکات.
لە کۆتاییدا، چ بڕێکی بانس ڕەیت بە باش دادەنرێت؟
تۆ دەتوانیت بە ئاسانی بە بەکارهێنانی ئامرازی Traffic Analytics Tool، بانس ڕەیتی ماڵپەڕەکەت بپشکنیت. لە ڕاستیدا ئەم ئامرازە تێکڕای ماوەی مانەوەی بەکارهێنەران لە لاپەڕەکان، ئەو لاپەڕانەی بینراون و ژمارەی گشتی سەردانیکەرانت نیشان دەدات.
ئەگەر دەتەوێت بانس ڕەیتی ماڵپەڕەکەت دابەزێنیت، دەبێت ئەو هۆکارانە بدۆزیتەوە کە کاریگەری نەرێنییان لەسەر ئەزموونی بەکارهێنەر هەیە. لێرەدا ئاماژە بە هەندێک لەو هۆکارانە دەکەین:
لێرەوە تێدەگەین کە بانس ڕەیت کاریگەرییەکی زۆری لەسەر سێئۆ هەیە. لە ڕاستیدا ئەگەر سێئۆی ماڵپەڕەکەت باش بێت، زیاتر دەبینرێیت و بەکارهێنەران کاتی زیاتر لە لاپەڕەکانتدا بەسەر دەبەن. هەموو ئەمانە یارمەتی گەشەی بزنسەکەت دەدەن. مەبەستمان ئەوە نییە کە بانس ڕەیت ڕاستەوخۆ پلەکەت لە گووگڵ دیاری دەکات، بەڵکوو بە شێوەیەکی ناڕاستەوخۆ کار دەکاتە سەر بەڕێوەبردنی گشتی ماڵپەڕەکەت.
بۆ ئەم مەبەستە، ئێمە چەند ڕێگایەک پێشنیار دەکەین کە دەتوانیت لێرەدا بییانبینیت:
لەناو Google Analyticsدا بڕۆ بۆ بەشی Behavior، پاشان لە بەشی Site Content بچۆ ناو Exit Pages. لەم بەشەدا دەتوانیت ئەو لاپەڕانە بدۆزیتەوە کە زۆرترین ڕێژەی چوونە دەرەوەیان لێیە. ئەم زانیارییانە پێت دەڵێن بەکارهێنەران زیاتر لە کام لاپەڕەوە ماڵپەڕەکەت بەجێدەهێڵن، ئەمەش یارمەتیت دەدات بۆ ئەوەی کار لەسەر چاککردنی ئەو لاپەڕانە بکەیت و بانس ڕەیت دابەزێنیت.
لەناو Google Analyticsدا دەتوانیت بانس ڕەیت و کێشەکانی تری ماڵپەڕەکەت لە چەند ڕەهەندێکی جیاوازەوە بپشکنیت. ڕاپۆرتی All Pages بانس ڕەیتی لاپەڕەکان بە جیا نیشان دەدات. لە لایەکی تریشەوە، بەهۆی ڕاپۆرتی Audience Overview دەتوانیت بانس ڕەیتی گشتیی ماڵپەڕەکە ببینی. دوای ئەنجامدانی گۆڕانکارییە پێویستەکان، دەتوانیت پەنا ببەیتە بەر ئامرازی Optimize بۆ تاقیکردنەوەی لاپەڕە جیاوازەکان تا بزانیت کامەیان بۆ بینەر سەرنجڕاکێشترن.
بۆ تێگەیشتن لە داتاکانی بانس ڕەیت، دەبێت لەگەڵ پارامیتەرەکانی تردا بەراوردی بکەیت. بۆ نموونە، بەراوردکردنی لەگەڵ پێوەری Time on Site زۆر گرنگە. ئەمە یارمەتیت دەدات بزانیت کێشەکە پەیوەندی بە گشت ماڵپەڕەکەوە هەیە یان تەنها لاپەڕەیەکی دیاریکراو. ئەگەر لاپەڕەیەکی بلۆگت هەبێت کە بانس ڕەیتی بەرز بێت و ماوەی مانەوەی لێی کەم بێت، ئەمە واتای ئەوەیە ناوەڕۆکەکەت کاریگەر نییە.
ئەگەر ستراتیژییەکت بۆ بەرزکردنەوەی ئاستی ماڵپەڕەکەت داناوە، تاقیکردنەوەی A/B Testing دەتوانێت لە دۆزینەوەی گونجاوترین ڕێکارەکان یارمەتیدەر بێت. بۆ نموونە ڕەنگە دوو لاپەڕەی جیاوازت بۆ فرۆشتنی بەرهەمێک هەبێت (لاپەڕەی A و لاپەڕەی B) کە دیزاین و CTAی جیاوازیان هەیە. لەم تاقیکردنەوەیەدا، لاپەڕەی A نیشانی نیوەی بینەران دەدەیت و لاپەڕەی B نیشانی نیوەکەی تر؛ لە کۆتاییدا دەزانیت کام لاپەڕە کڕیار زیاتر لە ماڵپەڕەکەدا دەهێڵێتەوە.
لە ئێستادا ژمارەی ئەو بەکارهێنەرانەی مۆبایل بۆ گەڕان لە ئینتەرنێتدا بەکاردەهێنن زیاتر لە هەر کاتێک ڕوو لە زیادبوونە. لەبەر ئەوە بزوێنەرەکانی گەڕانی وەک گووگڵ گرنگییەکی تایبەت بەم ئامێرانە دەدەن. پێویستە ماڵپەڕەکەت بۆ ئەو ترافیکەی لە مۆبایلەوە دێت گونجاو بێت. ئەگەر ماڵپەڕەکەت دیزاینێکی جوانی هەبێت بەڵام خێرایی باربوونی لە مۆبایلدا کەم بێت، هیچ بەهایەکی نابێت و بینەر بۆ دۆزینەوەی مەبەستەکەی دەچێتە ناو سەرچاوەکانی تر.
ئەگەر لە لاپەڕەکانی ماڵپەڕەکەتدا ڕەنگی خۆڵەمێشی (بۆ دەق) بەکاردەهێنیت، نابێت لە بەرزبوونەوەی بانس ڕەیتەکەت سەرسام بیت. هەوڵ بدە لاپەڕەکانی ماڵپەڕەکەت بۆ خوێندنەوە گونجاو و سەرنجڕاکێش بێت. بۆ ئەم مەبەستە باشترە سوود لە کەشی سپی (White Space) وەربگریت و فۆنتەکان بە قەبارەی گەورە بەکاربهێنیت. هەروەها بەکارهێنانی سەردێڕی (Heading) کورت و سەرنجڕاکێش کاریگەرییەکی زۆری هەیە لە ڕاکێشانی سەرنجی بینەردا.
هەندێک جار هاوئاهەنگ کردنی بەشە جیاوازەکان دەبێتە هۆی کەمبوونەوەی بانس ڕەیت. ئەگەر ناونیشانی میتا، کورتەی میتا (Meta Description) و ناونیشانی لاپەڕە (URL) لەگەڵ ناوەڕۆکی ناو لاپەڕەکە یەک نەگرنەوە، ئەنجامێکی خراپی دەبێت. لە بیرت نەچێت وشە سەرەکییەکان (Keywords) لەناو میتا دیسکریپشندا بەکاربهێنیت. ئەگەر بەکارهێنەرێک بەهۆی میتا دیسکریپشنەکەتەوە هاتە ناو ماڵپەڕەکە و ناوەڕۆکەکەی بە دڵ بوو، ئەوا تۆ لە کارەکەتدا سەرکەوتوویی تەواوت بەدەست هێناوە.
هەموو وشە سەرەکییەکان وەک یەک نین؛ هەندێکیان لە هەندێکی تریان بە بەهاترن. ئەگەر تۆ وشەیەکی سەرەکی بەکاردەهێنیت کە ترافیکێکی زۆر بۆ ماڵپەڕەکەت ڕادەکێشێت، دەبێت بتوانیت ناوەڕۆکێکی دروست و گونجاو لەو بارەیەوە پێشکەش بکەیت تاکوو ئەنجامێکی باش بەدەست بهێنیت.
ڕێژەی پاشەکشە یەکێکە لە فاکتەرە گرنگەکان بۆ ڕیزبەندی ماڵپەڕ (بە شێوەیەکی ناڕاستەوخۆ). هەروەها دەکرێت وەک پێوەرێکی گونجاو بۆ دیاریکردنی ئاستی تەندروستی ماڵپەڕەکە سەیر بکرێت. تۆ دەتوانیت سوود لە وشە سەرەکییە گونجاوەکان، دروستکردنی لینک (Link Building)، سێئۆی تەکنیکال و سێئۆی ناوخۆیی (On-Page) وەربگریت بۆ باشترکردنی بانس ڕەیت.
بۆ نموونە دەتوانیت ئامرازی On Page SEO Checker بەکاربهێنیت. لە ڕاستیدا دەتوانیت URLی لاپەڕەی مەبەست بدەیت بەم ئامرازە وتا بزانیت وشە سەرەکییە بەکارهاتووەکان تا چەند کاریگەرن.
بە گشتی دەبێت بوترێت کە بانس ڕەیت (ڕێژەی پاشەکشە) لە بزنسە ئینتەرنێتییەکاندا گرنگییەکی یەکجار زۆری هەیە. ئەگەر وتارەکەی ئێمەت بە باشی خوێندبێتەوە، تێدەگەیت کە بە هیچ شێوەیەک نابێت ئەم پێوەرە پشتگوێ بخرێت. وەک باسمان کرد، سێئۆ و بانس ڕەیت پەیوەندییەکی توندوتۆڵیان پێکەوە هەیە. کەواتە باشترە ئەو ڕێگایانەی ناساندمانن بەکاربهێنیت بۆ باشترکردنی دۆخی ماڵپەڕەکەت تا لە کۆتاییدا بانس ڕەیتەکەت دابەزێت.
ئەمە هەموو ئەو شتانە بوو کە پێویست بوو دەربارەی بانس ڕەیت بیزانیت. هیوادارین ئەم وتارە بۆت سوودبەخش بووبێت.