چوونەژوور | ناونووسین
لە جیهانی دیجیتاڵی ئەوڕۆدا، دەرکەوتن پێویستییەکی گرنگە. ماڵپەڕەکەت ویترین، فرۆشگا و ناوەندی چالاکییەکانی تۆیە، بەڵام ئەگەر بزوێنەرەکانی گەڕان (Search Engines) نەتوانن بیدۆزنەوە، وەک گەوهەرێکی بەنرخ لەناو سندووقێکی داخراودا دەمێنێتەوە. گووگڵ سێرچ کانسڵ (Google Search Console – GSC) چیتر تەنها ئامرازێک نییە؛ بەڵکو پانێڵیێکی گرنگی بەڕێوەبردنە بۆ سەرکەوتن لە گەورەترین مەیدانی کێبڕکێی جیهان واتە ئەنجامەکانی گەڕانی گووگڵ (Google Search Results). لەم وتارەدا هەوڵ دەدەین بە تەواوی ئەم چەمکە بناسین.
وا بزانە خەریکی لێخوڕینی کەشتییەکیت لە دەریایەکی نائارامدا. سێرچ کانسڵ ڕۆڵی ڕادار، ڕێنیشاندەر و ئامێری پێوانەکردنی سەلامەتییی بزوێنەری کەشتییەکەت دەگێڕێت. ئەم ئامرازە، پردێکە لە نێوان ئەوەی کە تۆ چۆن بیر لە ماڵپەڕەکەت دەکەیتەوە و ئەوەی کە گووگڵ بە ڕاستی دەیبینێت و بیری لێ دەکاتەوە. سێرچ کانسڵ تەنها ئامرازێکە کە بە وردی پێت دەڵێت بەکارهێنەران بەدوای چ وشەگەلێکلی سەرەکیدا(Keywords) دەگەڕێن و ماڵپەڕەکەت دەدۆزنەوە و لە کوێی ئەنجامەکاندا جێگیر دەبێت، چەند جار ماڵپەڕەکەت بینراوە و ڕێژەی کرتە کردن (CTR – Click-Through Rate) چەند بووە. ئەم داتایانە گەنجێکی گرانبەهان بۆ داڕشتنی ستراتیژیی ناوەرۆکەکانت (Content Strategy).
ئەم ئامرازە بە شێوەیەکی ئۆتۆماتیکی ئاگادارت دەکاتەوە لە هەر جۆرە کێشەیەکی تەکنیکیی جددی کە ڕێگری بکات لە کڕاڵ کردن (Crawl) یان ئیندێکس بوونی (Indexing) پەڕەکان لەلایەن گووگڵەوە. پێش ئەوەی کڕیارەکانت پێی بزانن، تۆ ئاگادار دەبیتەوە. هەروەها سێرچ کانسڵ بە ناردنی ڕاستەوخۆی نەخشەکانی ماڵپەڕ (Sitemaps) و ناونیشانە نوێیەکان (URLs) یارمەتیت دەدات بە هەڵبژاردنی ئەو پەڕانەی کە دەتەوێ ئیندێکس بکرێن و یارمەتی گووگڵ دەدەیت تا خێراتر ناوەرۆکە نوێیەکەت بدۆزێتەوە.
بەو پێناسانەی کە ئاماژەی پێ کرا، دەبێت گووگڵ سێرچ کانسڵ وەک داشبۆردی ناوەندیی سەلامەتیی و چالاکیی سێئۆ (SEO)ی ماڵپەڕەکەت لەبەرچاو بگریت. ئەم ئامرازە بێبەرامبەرەی کە لەلایەن گووگڵەوە پێشکەش دەکرێت، کەلێنی نێوان ماڵپەڕەکەت و چۆنیەتی هەڵسوکەوتی بزوێنەری گەڕان لەگەڵیدا پڕ دەکاتەوە. بەکارهێنانە سەرەکییەکانی سێرچ کانسڵ دەکرێت بۆ سێ دەستەی سەرەکی دابەش بکرێن:
بۆ شیکەرەوەیەک ئەمە گرنگترین کاری سێرچ کانسڵە. تۆ دەتوانیت ئەو داتا گرنگانە بپشکنیت کە نیشانی دەدەن ماڵپەڕەکەت لە ئەنجامەکانی گەڕاندا چۆن دەردەکەوێت:
هەڵسەنگاندنی وشە سەرەکییەکان (Keywords)
سەرنج بدە کە بەکارهێنەران بە گەڕان بەدوای کام لە وشە سەرەکییەکاندا(Queries) ماڵپەڕەکەت دەدۆزنەوە. ئەم زانیارییانە بریتییە لە ژمارەی دەرکەوتنەکان (Impressions)، کرتەکان (Clicks)، تێکڕای پلە یان ڕیزبەندی (Average Position) و ڕێژەی کرتە کردن (CTR). ئەم داتایانە بۆ پێداچوونەوەی ستراتیژیی ناوەرۆک و ئەپتۆمایزی (Optimization) ئامانجدار و وردی پەڕەکان پێویستن.
شیکاری پەڕە پڕبینەرەکان
ناسینەوەی ئەو پەڕانەی کە زۆرترین ترافیکی ئۆرگانیک (Organic Traffic) ڕادەکێشن تاکوو بتوانیت مۆدێلی سەرکەوتنی ئەوان دووبارە بکەیتەوە.
توانایی فلتەرکردنی ئەنجامەکان لەسەر بنەمای وڵات، ئامێر (مۆبایل، دێسکتۆپ)، ڕێکەوت و جۆری گەڕان (وێب، وێنە، ڤیدیۆ) بۆ تێگەیشتنێکی باشتر لە ڕەفتاری بەردەنگەکان.
کانسڵی گووگڵ ڕێگەت پێ دەدات تاکوو پرۆسەی گرنگی دەرکەوتن لەلایەن گووگڵەوە بەڕێوە ببەیت:
چاودێری ئەو پەڕانە بکە کە لە لایەن گووگڵەوە بە سەرکەوتوویی ئیندێکس کراون یان هەڵەیان تێدایە (وەک پەڕە بلۆککراوەکان یان هەڵەکانی 404). ئەم ڕاپۆرتە یارمەتیت دەدات تا دڵنیا بیتەوە لەوەی ناوەرۆکە نوێیەکەت بە خێرایی دەچێتە ناو ئەنجامەکانی گەڕانەوە.
دەتوانیت هەر URLێکی تایبەت لە ماڵپەڕەکەتدا بپشکنیت تاکوو بزانی تێڕوانینی گووگڵ چۆنە. هەروەها دەتوانیت داواکاریی ئیندێکسکردنەوەی پەڕەیەکی نوێ یان نوێکراوە بە شێوەی دەستی بنێریت تاکوو ئیندێکسکردن خێراتر ببێتەوە.
ناردنی نەخشەی ماڵپەڕ (XML Sitemap) بۆ گووگڵ بۆ دڵنیابوونەوە لەوەی کە ڕۆبۆتەکانی گووگڵ بە ئاسانی دەتوانن هەموو پەڕە گرنگەکانی ماڵپەڕەکەت بدۆزنەوە و کڕاڵی بکەن.
سێرچ کانسڵی گووگڵ وەک سیستمێکی ئاگادارکەرەوەی تەکنیکی کار دەکات و ئەو کێشە شاراوانەی کە کاریگەرییان لەسەر سێئۆکەت(SEO) هەیە دەستنیشان دەکات:
وەرگرتنی ئیمێڵی ئاگادارکردنەوە سەبارەت بە کێشە گرنگەکانی وەک زیانەواڵە (Malware)، هەڵەکانی سێرڤەر، یان کردارە دەستییەکان (Manual Actions) کە دەکرێت ببێتە هۆی سزادرانی ماڵپەڕەکە لەلایەن گووگڵەوە.
چاودێریکردنی پێوەرە سەرەکییەکانی ئەزموونی بەکارهێنەر وەک خێرایی بارکردن، ئاڵوگۆڕکردن و سەقامگیریی بینین لە مۆبایل و دێسکتۆپدا. باشترکردنی ئەم پێوەرانە ڕاستەوخۆ کاریگەرییان لەسەر ڕیزبەندی و ڕەزامەندی بەکارهێنەر هەیە.
ناسینەوەی ئەو کێشە پێکهاتەییانەی کە ڕەنگە ماڵپەڕەکەت بۆ بەکارهێنەرانی مۆبایل بە نەگونجاوی بزانێت.
پێش ئەوەی بچینە قۆناغی فێرکاری دامەزراندنی سێرچ کانسڵ، پێویستە بەشە جیاوازەکانی بەتەواوی بناسین.
گووگڵ سێرچ کانسڵ وەک نەخشەڕێگایەکی گشتگیر بۆ شیکردنەوەی چالاکیی ماڵپەڕ لە ئەنجامەکانی گەڕانی گووگڵدا دادەنرێت. ئەم ئامرازە لە چەندین ڕاپۆرتی سەرەکی پێکهاتووە کە هەر یەکیان تێڕوانینێکی گرنگ دەخەنە ڕوو. لێرەدا، بەشە سەرەکییەکانی سێرچ کانسڵ لەسەر بنەمای بەڵگەنامە فەرمییەکانی گووگڵ و سەرچاوە باوەڕپێکراوەکانی سێئۆ(SEO) دەناسێنین:
ئەمە یەکەم پەڕەیە کە دەیبینیت و کورتەیەکی خێرا لە کرداری گشتیی ماڵپەڕەکەت، دۆخی ڕووماڵ(Coverage)، ئەزموونی پەڕە (Page Experience) و هەر جۆرە باشترکردنێکی پێشکەش دەکات. پێداچوونەوەیەکی خێرا بۆ سەلامەتیی گشتیی ماڵپەڕ و ئاراستەکردنێکی ئاسان بۆ گرنگترین ڕاپۆرتەکان دەخاتە ڕوو.
بێگومان، گرنگترین ڕاپۆرتە بۆ شیکەرەوەکان. ئەم ڕاپۆرتە نیشانی دەدات کە بەکارهێنەران چۆن ماڵپەڕەکەت لە ئەنجامەکانی گەڕاندا دەدۆزنەوە. پێکهاتە سەرەکییەکان لێرەدا ئەمانەن:
ئەو وشە سەرەکییانەی بوونەتە هۆی دەرکەوتنی ماڵپەڕەکەت.
ئەو پەڕانەی کە زۆرترین ئیمپریشن (Impression) یان کلیکیان دەست کەوتووە.
کرداری ماڵپەڕەکەت لەسەر بنەمای ناوچەی جوگرافی یان جۆری ئامێر (مۆبایل، دێسکتۆپ).
Clicks (کرتەکان)، Impressions (دەرکەوتنەکان)، CTR (ڕێژەی کرتە کردن) و Average Position (بەرەنجامی ڕیزبەندی).
ئەم ئامرازە ڕێگەت پێ دەدات بارودۆخی URLێکی دیاریکراو لە ڕوانینی گووگڵەوە بپشکنیت. کرداری ئەم ئامرازە بەم شێوەیەیە:
پشکنینی ئەوەی کە ئایا پەڕەکە لە ئێستادا ئیندێکس کراوە یان نا و ئایا کێشەیەک لە ئیندێکس کردندا هەیە؟
تێگەشتن لەوەی کە ڕۆبۆتی گووگڵ لە ئێستادا پەڕەکە چۆن دەبینێت.
ناردنی داواکاری بۆ گووگڵ بۆ کڕاڵ کردن(Crawl) و ئیندێکس کردنی دەستبەجێی پەڕەکە دوای ئەنجامدانی نوێکارییەکان.
نیشانی دەدات کە گووگڵ تا چ ڕادەیەک ناوەرۆکی ماڵپەڕەکەتی بە سەرکەوتوویی ئیندێکس کردووە. پێکهاتە سەرەکییەکانی بریتین لە:
شوێنێکە بۆ ناردنی فایلەکانی نەخشەی ماڵپەڕ (XML Sitemaps) کە لیستێکی ڕێکخراوە لە پەڕەکانی تۆ بۆ گووگڵ، هەروەها چاودێریکردنی بارودۆخی پڕۆسێس کردنیان لەم بەشەدا ئەنجام دەدرێت. ئەم بەشە دڵنیاییمان پێ دەدات کە گووگڵ دەتوانێت هەموو پەڕە گرنگەکانی ماڵپەڕەکەت بدۆزێتەوە و کڕاڵیان (Crawl) بکات.
ئەم بەشە جەخت دەکاتەوە سەر ئەزموونی بەکارهێنەر و پێکهاتەی ناوەرۆکە تایبەتەکان:
ڕاپۆرتی ئەدای ماڵپەڕ لەسەر بنەمای سێ پێوەری سەرەکی ئەزموونی بەکارهێنەر (LCP، FID، CLS).
ناسینەوەی ئەو کێشانەی پەیوەندییان بە فۆنتە بچووکەکان، توخمە کلیک-بۆکراوەکانی نزیک لە یەک، و ئەو بابەتە کێشەسازانەی تر کە ئەزموونی مۆبایل تێک دەدەن.
ئەگەر داتای ڕێکخراوت (Schema Markup) بەکارهێناوە؛ وەک شێوازی چێشت لێنان، پێداچوونەوەکان (Reviews) یان پرسیارە باوەکان (FAQ)؛ ئەم بەشە پێت دەڵێت ئایا گووگڵ توانیویەتی بە سەرکەوتوویی ڕاڤەیان بکات و لە نیشاندانی ئەنجامە دەوڵەمەندەکاندا (Rich Snippets) هیچ هەڵەیەک هەیە یان نا.
بەکارهێنانی ئەم بەشە زۆر گرنگە و بەم شێوازەی خوارەوەیە:
ئاگادارکردنەوەی ڕاستەوخۆ لەلایەن گووگڵەوە دەربارەی پێشێلکردنی ڕێنماییەکانی کوالێتی گەڕان، وەک سپامی لینکەکان (Link Spam) یان ناوەرۆکی بێ کەڵک، کە دەکرێت ببێتە هۆی سزادان و دابەزینی ڕیزبەندی (ڕانک).
ئاگادارکردنەوە دەربارەی کێشە ئەمنییەکانی وەک هاک بوون یان هەبوونی زیانەواڵە(Malware) کە دەبێت دەستبەجێ چارەسەر بکرێن.
ئێستا سەرەی فێرکاریی کارکردن بە سێرچ کانسڵە. بۆ بەکارهێنانی کاریگەری گووگڵ سێرچ کانسڵ دەبێت ڕوانینێکی پێکهاتەییت هەبێت. لێرەدا، چۆنیەتی کارکردن لەگەڵ بەشە سەرەکییەکان و هەنگاوە پێویستەکان بۆ گونجاندن (Optimization) لە گەڕانی گووگڵدا، لەسەر بنەمای پێشنیارە فەرمییەکان، خراوەتە ڕوو.
یەکەم هەنگاو، زیادکردن و سەلماندنی خاوەندارێتی ماڵپەڕەکەتە بۆ گووگڵ تاکوو زانیارییە هەستیارەکان نەکەونە دەستی کەسانی تر. بۆ ئەم مەبەستە ڕێنماییەکانی خوارەوە ئەنجام بدە:
بە هەژماری گووگڵەکەت (Google Account) بڕۆ ناو ماڵپەڕی گووگڵ سێرچ کانسڵ.
دوو ڕێگەی سەرەکی هەیە:
بەپێی ئەو ڕێگەیەی هەڵتبژاردووە، کۆدی سەلماندنەکە لە ڕێکخستنەکانی ماڵپەڕەکەت یان DNSـەکەتدا دابنێ.
بۆ دڵنیابوون لەوەی کە گووگڵ هەموو ناوەرۆکی ماڵپەڕەکەت دەناسێت و ئیندێکسی دەکات، دەبێت نەخشەی ماڵپەڕ بناسێنیت و بارودۆخی پەڕەکان بپشکنیت. بۆ ئەم مەبەستە بڕۆ بۆ بەشی “Sitemaps” و ناونیشانی فایلی نەخشەی ماڵپەڕی XMLـەکەت بنووسە و Submitـی بکە. لەم ڕاپۆرتەدا چاودێری بارودۆخەکە بکە تا دڵنیا بیتەوە کە نەخشەی ماڵپەڕەکە بێ هەڵە پڕۆسێس کراوە.
ئەگەر پەڕەیەکی نوێت بڵاوکردەوە یان پەڕەیەکی کۆنت بە شێوەیەکی بەرچاو نوێ کردەوە، ناونیشانەکەی (URL) لە شریتی گەڕانی سەرەوەی GSC بنووسە. ئەگەر پەڕەکە ئیندێکس نەکراوە، کلیک لەسەر دوگمەی “Request Indexing” بکە تاکوو گووگڵ هەوڵی کڕاڵ کردنەوەی (Crawl) پەڕەکە بدات.
ئەم بەشە بۆ شیکەرەوەیەک، دڵی سێرچ کۆنسۆڵە. ئامانج لێرەدا، ناسینەوەی هەلەکان و کێشەکانە لە ڕیزبەندی (ڕانک)دا کە بەم شێوەیەی خوارەوەیە:
پێوەرەکانی Clicks, Impressions, CTR, و Position چالاک بکە.
داتاکان لەسەر بنەمای “Position” ڕێک بخە و ئەو کوێرییانەی (Queries) کە لە ڕیزبەندی ١١ تا ٢٠دان دەستنیشان بکە. ئەمانە وەک “Quick Wins” (سەرکەوتنی خێرا) هەژمار دەکرێن. بە کەمێک باشترکردنی تایتڵەکان (Title) و مێتا دیسکڕەپشن(Meta Description)، دەتوانیت بیانگەیەنیتە پەڕەی یەکەم.
ئەو کوێرییانە بدۆزەرەوە کە Impressionsـی بەرزیان هەیە بەڵام Clicksـیان نزمە. ئەمە بەو مانایەیە کە بەکارهێنەران ماڵپەڕەکەتیان بینیوە بەڵام بە لایانەوە سەرنجڕاکێش نەبووە. ئەمە ئاماژەیەکە بۆ باشترکردنی تایتڵ و مێتا دیسکڕەپشن (Meta Description) لە پەڕەی ئەنجامەکانی گەڕاندا.
هەر ماڵپەڕێک هەڵەی تەکنیکی تێدایە؛ ئەرکی تۆ دەستنیشانکردن و چاککردنیانە پێش ئەوەی لە سەر ڕیزبەندییەکەت کاریگەری دابنێن:
بەشی “Error” بپشکنە. باوترین هەڵەکان بریتین لە “Submitted URL has Crawl issue” یان “404”. دوای چاککردنی هەر هەڵەیەک لە ماڵپەڕەکەتدا، بۆ پشتڕاستکردنەوەی دووبارە بگەڕێوە بۆ ئەم ڕاپۆرتە و کلیک لەسەر “Validate Fix” بکە تاکوو گووگڵ پشتڕاستی بکاتەوە کە کێشەکە چارەسەر بووە.
بە شێوەیەکی خولیی (دەوریی) چاودێری ئەم بەشە بکە. ئەگەر ئاگادارکردنەوەیەک لێرەدا بینرا، بەو مانایەیە کە ماڵپەڕەکەت بەهۆی پێشێلکردنی ڕێنماییەکانی گووگڵ سزا دراوە و دەبێت دەستبەجێ چارەسەری بکەیت.
بۆ ئەوەی بزانیت ئایا ماڵپەڕەکەت پێشتر لە گووگڵ سێرچ کانسڵدا تۆمار کراوە و دەستت بە داتاکانی دەگات یان نا، دوو سیناریۆی سەرەکی هەیە:
ئەگەر تیم یان کەسێکی تر بەرپرسی ڕێکخستنەکان بووە و تۆ دەستت پێی ناگات، دەبێت دووبارە خاوەندارێتی ماڵپەڕەکە بسەلمێنیتەوە.
ئەگەر ناتوانیت خاوەندارێتی بسەلمێنیت، دەستت بە داتاکان ناگات. تەنها ڕێگەی متمانەپێکراو بۆ دەستڕاگەیشتن بە داتاکانی سێرچ کانسڵ، سەلماندنی خاوەندارێتییە هەروەک چۆن لە هەنگاوی یەکەمدا شرۆڤەکرا. ئەگەر خاوەندارێتی بسەلمێنیت:
١.ماڵپەڕەکەت لە سێرچ کانسڵدا تۆمار دەکرێت.
٢.تۆ وەک خاوەنی نوێ یان سەلمێنراو دەستت بە داتاکان دەگات. (تێبینی: تەنها ئەو داتایانەی کە لە کاتی سەلماندنی تۆوە کۆکراونەتەوە نیشان دەدرێن).
ئەگەر دەستت بە کۆدی ماڵپەڕ یان ڕێکخستنەکانی DNS دەگات، دەتوانیت دڵنیا بیتەوە کە سەلماندنی پێشتر بە چ ڕێگەیەک ئەنجام دراوە:
سۆرس کۆدی (Source Code) پەڕەی سەرەکی ماڵپەڕەکەت بکەرەوە. ئەگەر ماڵپەڕەکە پێشتر بەم ڕێگەیە سەلمێنرابێت، دەبێت تاگێکی هاوشێوەی ئەمە لە بەشی <head>دا هەبێت:
<meta name=”google-site-verification” content=”XYZ” />
ئەگەر سەلماندنی دۆمەین بەکارهێنرابێت، دەبێت تۆمارێکی TXTـی تایبەت بە گووگڵ لە ڕێکخستنەکانی DNSـی دۆمەینەکەتدا هەبێت.
باشترین ڕێگە بۆ ئەوەی بزانیت ئایا ماڵپەڕەکەت سێرچ کانسڵی هەیە و تۆ دەستت پێی دەگات، چوونە ناو سێرچ کانسڵە بەو هەژمارە بەکارهێنەرانەی کە ئەگەری هەیە پێی تۆمار کرابێت. ئەگەر ماڵپەڕەکەت لە لیستەکەدا نەبینی، دەبێت قۆناغەکانی سەلماندنی خاوەندارێتی دووبارە ئەنجام بدەیتەوە.
گووگڵ سێرچ کانسڵ ئامرازێکی بنەڕەتییە بۆ هەر کەسێک کە بەرپرسیارێتی دەرکەوتن، سەلامەتیی تەکنیکی و بەڕێوەبردنی ماڵپەڕێکی لە ئەنجامەکانی گەڕانی گووگڵدا لەسەر شان بێت. بەپێی سەرچاوە فەرمییەکان و پێشنیاری پسپۆڕانی سێئۆ (SEO)، سێرچ کانسڵ بۆ ئەم گرووپانەی خوارەوە بە تەواوی گونجاو و تەنانەت پێویستیشە:
هەرچەندە ڕەنگە ئەم کەسانە نەچنە ناو وردەکارییە تەکنیکییەکانەوە، بەڵام دەبێت چاودێری ڕاپۆرتی چالاکییەکان بکەن. سێرچ کانسڵ زانیاری دەربارەی بەڕێوەبردنی گشتیی کار لە کەناڵی گەڕانی ئۆرگانیکدا پێشکەش دەکات:
١.ناسینی ترافیکی ئۆرگانیکی ڕاستەقینە و ڕەوتی گەشەکردنی.
٢.وەرگرتنی ئاگادارکەرەوە ئەمنییە بنەڕەتییەکان یان کردارە دەستییەکان (Manual Actions) کە دەکرێت دەستبەجێ زیان بە ناوبانگ و داهاتی ماڵپەڕەکە بگەیەنن.
سێرچ کانسڵ ئامرازی سەرەکی کاری ئەوانە و ڕۆژانە بەکاری دەهێنن. ئەم ئامرازە ڕێگەیان پێ دەدات:
ئەم کەسانە بەرپرسن لە سەلامەتیی ژێرخانی تەکنیکی ماڵپەڕەکە. GSC یارمەتییان دەدات بۆ:
GSC ڕوانینێکی ڕاستەقینەیان دەربارەی ئاستی سەرکەوتنی ناوەرۆکەکەیان پێ دەبەخشێت:
گووگڵ سێرچ کانسڵ (Google Search Console) و گووگڵ ئانالیتیکیس (Google Analytics) هەردوو ئامرازێکی گرنگن بۆ سەرکەوتن لە کەشی ئۆنڵایندا، بەڵام هەر یەک بەرپرسیاریەتییەکی جیاوازیان لە نێو ماڵپەڕەکەدا لە ئەستۆیە. دەکرێت بگوترێ کە ئەم دوو ئامرازە وەک تەواوکەری یەکتر کار دەکەن، نەک جێگرەوەی یەکتر. لێرەدا جیاوازییە سەرەکییەکانیان لەسەر بنەمای کارکرد و ئەو داتایانەی پێشکەشی دەکەن، خراوەتە ڕوو:
بەکارهێنانی گووگڵ سێرچ کانسڵ بۆ هەر بزنسێک کە بە شێوەی ئۆنڵاین بێت، تەنها بژاردەیەک نییە، بەڵکو بە پێویستییەکی ستراتیژی دادەنرێت. ئەم ئامرازە پردێک لە نێوان ماڵپەڕەکەت و بزوێنەری گەڕانی گووگڵ دروست دەکات و ڕێگەت پێ دەدات تاکوو نادیارترین لایەنەکانی کارکردەکانی خۆت ببینیت. دەکرێت گرنگیی بەکارهێنانی GSC لە سێ تەوەرەی سەرەکیدا کورت بکرێتەوە:
سێرچ کانسڵ وەک پزیشکێکی پسپۆڕی سێئۆ (SEO) کار دەکات و بە بەردەوامی سەلامەتیی تەکنیکیی ماڵپەڕەکەت دەخاتە ژێر چاودێرییەوە:
سێرچ کانسڵ سەرچاوەی سەرەکیی تۆیە بۆ تێگەیشتن لەوەی کە بەکارهێنەران لە ڕاستیدا چۆن تۆ لە گووگڵدا دەدۆزنەوە:
GSC کەناڵێکی فەرمییە بۆ دروستکردنی پەیوەندی لەگەڵ گووگڵ سەبارەت بە ماڵپەڕەکەت:
یارمەتی گووگڵ دەدەیت تاکوو هەموو پەڕە گرنگەکان بە خێرایی و بە دروستی بدۆزێتەوە.
دوای نوێکردنەوەی ناوەرۆکە گرنگەکان یان چاککردنی هەڵەکانی پەڕەیەک، دەتوانیت لە ڕێگەی ئامرازی URL Inspectionـەوە دەستبەجێ داوا بکەیت کە گووگڵ ئەو پەڕەیە دووبارە کڕاڵ (Crawl) و ئیندێکسی بکاتەوە.
بە کورتی، بەبێ سێرچ کانسڵ، تۆ لە ناو تاریکیدا دەڕۆیت؛ نازانیت بۆچی ڕیزبەندی (ڕانک) وەردەگریت، بۆچی ڕیزبەندی وەرناگریت و ئایا گووگڵ ماڵپەڕەکەت دەبینێت یان نا. سێرچ کانسڵ ئامرازێکە بۆ گۆڕینی مەزەندە و گومان بۆ بڕیاردان لەسەر بنەمای داتا (Data-driven decision making).
گووگڵ سێرچ کانسڵ (Google Search Console)، وەک ئامرازێکی بێبەرامبەر و گرنگە لەلایەن گووگڵەوە، داشبۆردی ناوەندیی سەلامەتیی و کارکردی سێئۆی (SEO Performance) ماڵپەڕەکەتە لە ئەنجامەکانی گەڕانی گووگڵدا؛ ئەمە تەنها ئامرازێکی لاوەکی نییە، بەڵکوو پێویستییەکی ستراتیژییە بۆ پسپۆڕانی سێئۆ، بزنسمەنەکان، پەرەپێدەران و خاوەنکارەکان. لە کاتێکدا گووگڵ ئانالیتیکیس (Google Analytics) ڕەفتاری بەکارهێنەران دوای چوونە ناو ماڵپەڕەکە شیکاری دەکات، کانسڵی گووگڵ دەپەرژێتە سەر داتاکانی پێش کرتە کردن (کلیک) و کارلێکی ماڵپەڕەکە لەگەڵ گووگڵدا. گرنگیی سەرەکیی کۆنسۆڵی گووگڵ لە سێ بواردایە:
سەلامەتیی تەکنیکی: کە لە ڕێگەی چاودێریکردنی هەڵەکانی ئیندێکس، Core Web Vitals و ئاسایشەوە، گەرەنتی ئەوە دەکات کە گووگڵ دەتوانێت بەبێ کێشە ماڵپەڕەکەت ببینێت و کڕاڵی (Crawl) بکات.
شیکردنەوەی کارکردی گەڕان: کە تەنها ڕێگەیە بۆ دۆزینەوەی وردی وشە سەرەکییە ئۆرگانیکەکان (Organic Keywords)، بەرەنجام ڕیزبەندی (ڕانک)، و دۆزینەوەی خێرای دەرفەتەکانی گەشەکردن لە ڕێگەی زیادکردنی ڕێژەی کرتە کردن (CTR)ـەوە.
کۆنتڕۆڵکردنی ئیندێکسینگ (Indexing): کە ڕێگەت پێ دەدات نەخشەکانی ماڵپەڕ (Sitemaps) بنێریت و داواکاریی ئیندێکسی خێرا (Request Indexing) پێشکەش بکەیت.
لە کۆتاییدا، کناسڵی گووگڵ کەناڵی پەیوەندیی ڕاستەوخۆی تۆیە لەگەڵ گووگڵدا و یارمەتیت دەدات تاکوو لە مەزەندە و گومانەوە بگوازرێیتەوە بۆ بڕیاردان لەسەر بنەمای داتا (Data-driven decisions) بۆ زیادکردنی ترافیک، بەهێزیی دۆمەین (Domain Authority)، و باشترکردنی ئەزموونی بەکارهێنەر(UX).